Համայնքի մասին

Ազատամուտը գյուղ է, սակայն բնակավայրում միայն բազմաբնակարանային շենքեր են և քոթեջներ:

Ազատամուտը հիմնադրվել է 1970թ. որպես «Բենտոնիտ»   կոմբինատի բանավան: Բենտոնիտը Խորհրդային տարիներին ահռելի քանակությամբ արտադրանք տվող ձեռնարկություններից էր:Եվ այդ աշխատողների համար հատուկ կառուցվել է բանավանը:1978-ին վերանվանվել է Ազատամուտ. 1920-ի նոյեմբերին,11-րդ Կարմիր բանակը Ադրբեջանից այստեղով է մուտք գործել Հայաստան և խորհրդայնացրել հանրապետությունը: Համայնքն ունի 22 բազմաբնակարան շենք, 22 քոթեջ, միջնակարգ դպրոց՝ 317 աշակերտով:

Ազատամուտի միջնակարգ դպրոցը

2004 թվականին  դպրոցը  ենթարկվել է մասնակի  վերանորոգման  պետական  բյուջեի միջոցներով:  Մանկապարտեզը վերանորոգվել է 2015  թվականին, սակայն այն մինչև հիմա   չի գործում:

Ազատամուտի մանկապարտեզը

Մշակույթի տունը վերանորոգման խիստ կարիք ունի, իսկ համայնքային կենտրոն ընդհանրապես չկա: Այստեղ չկան պատմամշակույթային կոթողներ: 
 Համայնքի զբաղեցրած տարածքը՝ 43.87 հա     
Հեռավորությունը Երևանից՝ 149 կմ,     մարզկենտրոնից` 16 կմ,  ՀՀ պետական սահմանից` 3.5 կմ Բնակչության թիվը՝ 3075 մարդ,914 ընտանիք: Հող չունենալու պատճառով` ազատամուտցին գյուղատնտեսությամբ և անասնապահությամբ չի զբաղվում: Այնտեղ է գտնվում նաև «Գրանդ Հոլդինգ» ձեռնարկություններց մեկը: Բնակչությունը հիմնականում զբաղվում է առևտրով, ծխախոտի վերամշակմամբ,  արտագնա աշխատանքով: Գյուղն ունի դպրոց, գյուղական  բժշկական  ամբուլատորիա,մշակույթի տուն, մանկապարտեզ,  երաժշտական դպրոց,     մարզադաշտ:       



     

                                                                              Նյութը  պատրաստեց՝  Է.  Ջամալյանը